اكلات اقتصادية جدآ جدآ
بعض الوصفات الاقتصادية... في الظروف الصعبة
وياريت اللي عندها زيادة تضيفها... الناس مخنوقة
ربع مفروم عصجيه وعليه حزمة بقدونس وجزرة مبشورة
تعملي به صنية بطاصس محشية بالصلصة ٢ كيلو تكفيك يومين
يوم اعملي نص كيلو عدس يكفي يومين
يوم حمري بطاصس مكعبات وبعد ماتتحمر حطيها في صنية صغيرة
وحطي على الوش شوية بقدونس وقطعي طماطم
وكسري ٤بيضات.... وحطيهم عليها
وغطيهم ووطي النار
الزيت اللي يفضل قطعي العيش اربع واقليه
يوم فول بطماطم
دمسي الفول هيفرق معاك
وحطي عليه جزر وفلفل ولمون وعدس
دمسي كيلو.... ولو عندك كبة
اعملي عجينة طعمية
تطلعي تحطي بيضة وتقلي
يوم كشري وكتري البصل لانه بيشبع
يوم مسقعة.....
نص لحمة مفرومة نص بصل مبشور وعصور كويس جدا
ادعكيه بفلفل اسود.... ربع فلفل أخضر مقطع ومعصور
كوساية كبيرة مبشورة.... جزراية كبيرة مبشورة...
حزمة بقدونس مقطعة ومعصورة
قطعة دهن أو ليه ابشريها... ملعقة بيكنج بودر
اعجني الكمية كلها.. عجن كويس جدا جدا
ادهني العيش من جوه وبره
اللهم بارك هعملك كمية حواوشي
البطاطس رخيصة.... هاتي اول الشهر ٢٠ كيلو
طول الشهر اسلقي ببيض وحمري
واعملها محشية بانية...
ربع كيلو معصج يعملوا ٢ كيلو بطاصس مسلوقة بانية
بلاش تشتري فرخة اشتري دبابيس بالعدد
وممكن بنص كيلو لحمة على نص رز وتعملي كفتة رز
تقسميها٢ وتطبخي معاها بطاصس
أو ممكن محمرة سندوتشات بلدي مع سلطة وبطاطس
اشتري أجنحة فراخ واعمليها بانيه أو مع محشي
وممكن تشتري سمك ماكريلا وتقسمي السمكة نصفين سنجاري
مع رز ببصل وكل واحد نص سمكة مع سلطة
هي بتكون كلها لحم.....
ماشي نفسك مع الولاد أهم حاجة اكل صحي وخضار
اللحمة والجبن اكتر حاجة بتاخد فلوس
اشتري جبنة قريش... أو لبن خض بيكون زي الجبنة.... وبيكون رخيص
بتلاقيه عند بتوع الجبنة.....
. وممكن تضربيها في الخلاط مع قطعة جبنة حادقة
مع شوية زيت.... أو مع قطعة مش.... أو زبادي
وقطعي فلفل وطماطم...
لو ولادك صغيرين... اشتغلي بالسندوتشات
حمري طبق بطاطس أو طعمية وقطعي العيش البلدي انصاص
وأعملي سندوتشات معاها سلطة ببصل
الجزر رخيص هاتي ٣ك جزر ب١٠ج واعملها مربى
أو قطعيها في طبق.. يروحوا ويجوا عليها
البرتقال البلدي ب٥ج هاتي كيلو على نص جزر مسلوق
وأعملي مهلبية....
المعجنات كنز بالنسبالك
قرص بالجبنة القريش
أو لو عملتي بيتزا.... وحطيتي بصل متشوح على فلفل رومي
وطماطم.... رشة جبنة بسيطة... هتشبعهم
انزلي السوق آخر النهار هتلاقي الأسعار النص
وطبعا من اكتر الحاجات اللي بتفيد جدا
هو تجيبي ٣ك دقيق وتفركيهم بشوية زيت أو سمنة
وتعجنيهم ب٣بيضات ونصك لبن... وشوية سكر وملح
ولو عندك ينسون حطي
وتعجنيهم بالخميرة
وتعمليهم قرص.... وحطيهم في حلة كبيرة على المطبخ
اللهم بارك هتفرق معاك جدا في الفطار والعشا
مش عاوزاك تزعلي لان الزعل مش هيعمل حاجة
خليك ماشية يوم بيوم
واستغفري كتير...
اغلب الناس زيك... وغليت على الكل
الحمدلله انك وولادك بخير وفي حضن بعض... دي نعمة كبيرة
وربنا معانا ومعاك.... أوعى تزعلي
ولا ننسى جميعا كلام الله عز وجل
{ولنبلونكم بشيء من الخوف والجوع ونقص من الأموال والأنفس والثمرات
وبشر الصابرين}
ولاننسى رسول الله صلى الله عليه وسلم
كان يربط على بطنه حجرين من الجوع
تعليقات
إرسال تعليق