هل الاكل بالليل بيتخن ام لا
هو الاكل بليل بيتخن ؟ 🤔🤫
✅لا ,,, الاكل بليل مش بيتخن ولا حاجة .
.
عشان اخس لازم ابطل اكل من الساعة 8 م ؟
✅ولا 8 ولا 10 ولا حتي 1 الصبح ,,, دي حاجة بترجع ع حسب يومك عبارة عن اى ،
وبتشتغل من كام لكام وبتنام وبتصحي امتي .
🔴جملة او فكرة امنع اكل من الساعة 8 عشان تخس ، دي بيقولوها الناس
القديمة ، ال اخر مرة فتحوا فيها مرجع طبي او طوروا من نفسهم ف العلم
كان من 10 سنين مثلا.
.
.
فكرة انك تتخن ولا تخس دي معتمدة ع كم #السعرات_الكلي
ال بتاكله ع مدار اليوم !
اكلته الصبح اكلته بليل ,,, مش هتفرق .
.
ولكن ! ,,, لو انت بتخس او بتحاولي تنزل وزنك ، ركز ف النقط دي :
- خلي الوجبات الكبيرة ف الوقت ال انت شغال فيه وبتتحرك كتير .
- خلي وجباتك الاساسية ف الوقت ال انت ف العادي بتحس فيه بجوع
عشان متلغبطش ,,, عشان مترمرمش !.
- وزع وجباتك بشكل متوازن ومظبوط ع مدار اليوم عشان تكون مركز
كطاقة ونشاط ، وتحس دايما انك شبعان ومش بتفكر ف الاكل اكتر من اللازم.
- لو انت طول اليوم فاضي " خصوصا البنات " ، ابعد الوجبة الكبيرة عن الكام ساعة
ال قبل النوم، وخلي الوجبة ال بليل هي اسناك خفيف او حاجة بسيطة .
.
.
✅✅لو انت بتشتغل وبعد الشغل بتروح تتمرن ، وبترجع من التمرين
ع 11 - 12 ولا 1 بليلمفيش اى مشكلة انك تاكل لما ترجع !
ودي وجبة مهمة جدا للتطور البدني والتحسُن العضلي ,,,
كل المطلوب منك انك تستني شوية بعد الوجبة ومتنامش ع طول !
ودا مش عشان متتخنش ,,, ولا عشان لو نمت هيطلعلك كرش 😁
مفيش الكلام الساذج دا ,!
🟢🔵دا عشان الهضم يتم بشكل كويس ، وميحصلكش مشاكل ف الحموضة.
.
.
كلام زي" الاكل بليل بيتخن - بطل اكل الساعة 8 عشان تخس "
دي شعارات #قديمة ! وكلام منتهي الصلاحية 👌
تعليقات
إرسال تعليق